Հայաստանի կառավարությունը այսօր՝ ապրիլի 22-ին կայացած նիստում հավանություն է տվել Հայաստանի Հանրապետության և Եվրասիական զարգացման բանկի միջև ստորագրված «Հյուսիս-հարավ» ճանապարհային միջանցքի 4-րդ հերթի շինարարության նախագծի ֆինանսավորման ներդրումային վարկի համաձայնագրին:
Փաստաթղթի կնքումը թույլ կտա ապահովել ճանապարհային միջանցքի ներդրումային ծրագրի անընդհատությունը՝ իրականացնելով Ագարակից դեպի Քաջարան հատվածի բարելավումը, վերակառուցումը և լայնացումը: Վարկը տրամադրվել է արտոնյալ պայմաններում՝ տարեկան 1,65 տոկոսով։ Նոր հատվածը զգալի կրճատելու է Իրանի սահմանից սկսվող մայրուղին։
«Հյուսիս-Հարավ» նախագծի ընդհանուր արժեքը պետք է կազմի 967 մլն դոլար, որից 500 մլն-ը տրամադրելու է Զարգացման սիական բանկը։ Մայրուղին Իրանից ձգվելու է մինչեւ Վրաստանի սահման։
