Երեւանում տեղի ունեցած խոշոր վթարի հետեւանքով հիվանդանոց տեղափոխվածների մեծ մասը ստացել է ամբուլատոր բուժօգնություն եւ դուրս գրվել: «Սուրբ Գրիգոր Լուսավորիչ» հիվանդանոցից NEWS.am-ի թղթակցին հայտնեցին, որ իրենց մոտ տեղափոխված «ԲՄՎ»-ի վարորդը ստացել է ամբուլատոր բուժօգնություն եւ դուրս գրվել:
Մյուս 6 տուժածներից, որոնց տեղափոխել էին թիվ 1 համալսարանական կլինիկա, հիվանդանոցում է մնացել 2 կին: Մեկի մոտ առկա է քթի կոտրվածք, արդեն վիրահատել են, վիճակը նորմալ է, մյուսի մոտ ողերի կոտրվածք է հայտնաբերվել, վիրահատության կարիք չկա, պետք է բժիշկների հսկողության տակ լինի: Մյուս բոլոր տուժածները, ստանալով ամբուլատոր բուժօգնություն, դուրս են գրվել հիվանդանոցից:
Ավելի վաղ հայտնել էինք, որ Երևանում այսօր՝ ապրիլի 22-ին, Ժամը 15:00-ի սահմաններում Սարալանջ-Տերյան փողոցների խաչմերուկում խոշոր վթար է եղել: Ոստիկանությունից NEWS.am-ի թղթակցին հայտնել էին, որ «ԲՄՎ»-ն բախվել է 43 համարի երթուղայինին, կան վիրավորներ: Նախնական տեղեկություններով՝ 8 մարդու տեղափոխել են հիվանդանոց:
