Ռուսաստանը եւ Ֆրանսիան կարող են զգալի դեր խաղալ մի շարք հարցերում, ինչպիսիք են Սիրիան, Իրանը եւ Լիբիան: Այս մասին այսօր՝ ապրիլի 24-ին, Երեւանում հայտարարել է Ֆրանսիայի նախագահ Ֆրանսուա Օլանդը՝ ՌԴ նախագահ Վլադիմիր Պուտինի հետ հանդիպման ժամանակ:
«Մենք ունենք այլ ուղղություններ, որոնց դեպքում՝ ունենք Ռուսաստանի կարիքը, որոնք միասին պետք է քննարկենք: Մեզ պետք է եւ Ռուսաստանի դերը, եւ Ֆրանսիային դերը մի շարք կարեւոր հարցերում: Մենք աշխատում ենք այդ ամենի ուղղությամբ, ուստի անհրաժեշտ էր հանդիպել այստեղ՝ Երեւանում»,-ասել է Օլանդը, հաղորդում է «ՌԻԱ նովոստին»:
