Սիսի նստավայրը Թուրքիայից հետ պահանջելու Մեծի Տանն Կիլիկիո կաթողիկոս Արամ Ա-ի դիմումը Թուրքիայի Սահմանադրական դատարան հայտնվել է թուրքական մամուլի ուշադրության կենտրոնում։
Թուրքական Turktime-ը գրել է, որ հայկական եկեղեցու փաստաբանները դիմել են Սահմանադրական դատարան՝ պահանջելով Կիլիկիայի կաթողիկոսությանը պատկանող վանքը վերադարձնել։
Թուրքական Haber kita-ն հիշյալ լուրը վերնագրել է. «Հայերը աչք են դրել Ադանայի վանքի վրա»։
Asil Haber-ը գրել է. «Հայերը Թուրքիայի դեմ նոր արշավ են սկսել»։
Հիշյալ լուրը թուրքական Hurriyet-ը վերնագրել է «Հայերի փոխհատուցման դատերը սկսվեցին»։
Նշենք, որ Մեծի Տանն Կիլիկո Կաթողիկոսությունն ապրիլի 28-ին, դիմել է Թուրքիայի Սահմանադրական դատարան՝ պահանջելով վերադարձնել Կիլիկիայի պատմական հայկական թագավորության տարածքում գտնվող Սիսի նստավայրը և կալվածքները: