Հայաստանի ՏԿԱԻՆ-ում, մայիսի 5-ին, ժամը 00.18-ին տեղեկատվություն է ստացվել, որ Երեւանի Բաղրամյան պողոտայի թիվ 26 շենքի մոտակայքում տեղի ունեցել ավտովթար. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Ռենջ Ռովեր» մակնիշի 88 OL 800 համարանիշի եւ «Գոնով» մակնիշի 408 ՈՍ 02 համարանիշի ավտոմեքենաները:
Մինչ հրշեջ-փրկարարների կանչի վայր հասնելը` «Ռենջ Ռովեր»-ի վարորդ 24-ամյա Պ. Յ.-ն, ուղեւոր 24-ամյա Ա. Ղ.-ն եւ 29-ամյա Գ. Հ.-ն տեղափոխվել են «Սրբ. Գր. Լուսավորիչ» ԲԿ, 44-ամյա Ա. Գ.-ն՝ «Հերացի» թիվ 1 հիվանդանոցային համալիր: Տուժածների առողջական վիճակը գնահատվել է բավարար:
Հրշեջ-փրկարարները կատարել են ճանապարհի լվացման աշխատանքներ:
