![](img/news/26/56/42/default.jpg)
Թաիլանդի հարավում ոստիկանության եւ միգրացիոն ծառայության 38 սպա ազատվել են աշխատանքից։ Նրանց դեմ ստրկավաճառության գործում մասնակցություն ունենալու կասկածանքով ստուգումներ են իրականացվում։
Թաիլանդի հարավային նահանգներից մեկում վերջերս հայտնաբերվել էր Մյանմարից ժամանած ներգաղթյալների 2 ճամբար։ Դրանց տարածքում հայտնաբերվել էին նաեւ գերեզմանոցներ, որտեղից արտաշիրիմվել էր ընդհանուր առմամբ 32 մարդու դիակ, գրում է ՏԱՍՍ-ը։
Երկրի վարչապետը ոստիկանությանը եւ բանակին 10 օր է տվել թագավորության հարավում գտնվող ստրկավաճառության բոլոր ճամբարները հայտնաբերելու եւ չեզոքացնելու համար։