Հայաստանը պոտենցիալ շուկա է LG ընկերության համար: Այս մասին լրագրողների հետ զրույցում ասաց ընկերության Միջին Արեւելքի եւ Աֆրիկյան երկրների նախագահ Քեվին Չան, որն այս օրերին Հայաստանում է:
«Սա իմ առաջին այցն է Հայաստան եւ շատ տպավորված եմ այս երկրի գեղեցկությամբ եւ հյուրընկալությամբ: Հատկապես տպավորված եմ այս նոր բրենդշոփով, ուր ներկայացված է ԷԼՋԻ ընկերության գրեթե ամբողջ տեսականին»-ասաց նա:
Նրա խոսքով՝ հայաստանյան շուկայի հետ համագործակցությունը ներուժ ունի մեծանալու. «Հայաստանը դիտարկում ենք որպես խոստումնալից շուկա՝ մոտ ապագայում ընդլայնվելու հնարավորությամբ: Այն հատկապես մեծ ներուժ ունի սմարթհեռուստացույցների, սմարթհեռախոսների եւ այլ նորարարական տեխնոլոգիաներով հագեցած տեխնիկայի ընդլայնման համար:
Քեվին Չան այցելել է ԱՐԱՅ ընկերության սրահներ, ծանոթացել LG ընկերության ապրանքատեսակին: Մասնավորապես, նա հավանել է Երեւանի Շենգավիթ համայնքում Գ.Նժդեհ 25/3 հասցեում գտնվող ԱՐԱՅ վաճառասրահը, որի առաջին հարկում ամբողջությամբ ներկայացված է LG ընկերության ապրանքանիշը՝ իր ամբողջ տեսականիով, այդ թվում՝ 4k կետայնությամբ, ճկված Oled էկրանով սմարթ հեռուստացույցներ, նորագույն սառնարաններ, լվացքի մեքենաներ, բջջային հեռախոսներ: Նշենք, որ LG-ի այս բրենդշոփն ամենամեծն է Հարավային Կովկասում։
Իր հերթին, ԱՐԱՅ ընկերության գլխավոր տնօրեն Վիլսոն Մելիքջանյանը կարեւորեց Քեվին Չայի այցը Հայաստան:
«ԱՐԱՅ եւ LG ընկերությունների համագործակցության խորացմամբ պայմանավորված է նաեւ Գարեգին Նժդեհ հասցեում գործող նորաբաց տարածաշրջանում մասնագիտացված ամենամեծ բրենդշոփի բացման եւ գործունեության առկայության հետ: Բացի դրանից՝ կան բազմաթիվ ծրագրեր: Քննարկում ենք LG էներգախնայող տեխնիկայի մուտքը Հայաստան, մեծ ուշադրություն է դարձվում արեւային մարտկոցների միջոցով էներգոհամակարգերի տեղադրման հարցերին: Կարեւորվում են լուսադիոդային լուսավորման ինչպես ներքին, այնպես էլ արտաքին լուսավորության էներգախնայող համակարգերի ներդրումը»,- ասաց նա:
Ի դեպ Արայում գործում է 25 զեղչ եւ հաճելի նվերներ 20 000 դրամ եւ ավելի գնումների դեպքում: