Կարմիր խաչի  միջազգային կոմիտեի ներկայացուցիչները Ադրբեջանում ապրիլի 30-ին այցելել են 2014թ. դեկտեմբերի 26-ին շփման գիծը հատած ռազմագերուն։ Այս մասին NEWS.am-ին տեղեկացրել է ԼՂՀ-ում ԿԽՄԿ առաքելության մամուլի ծառայության աշխատակից Էթերի Մուսայելյանը։

Նրա խոսքով՝ այցելության ընթացքում ընտանեկան բնույթի տեղեկություն է փոխանակվել։ «Այցելությունը կայացել է ԿԽՄԿ ստանդարտ ընթացակարգերի շրջանակներում։ ԿԽՄԿ-ն բանտարկյալներին այցելում է, որպեսզի նրանց բնակության պայմանների եւ վերաբերմունքի դիտարկում անցկացնի եւ կապ ապահովի բանտարկյալների եւ նրա հարազատների միջեւ»,- նշեց Էթերի Մուսայելյանը։