Նավթի համաշխարհային գները մայիսի 21-ին աճ են գրանցել ԱՄՆ էներգետիկայի նախարարության կողմից նավթի հումքի պաշարների մասին տվյալներ հրապարակելու ֆոնին։ Այս մասին վկայում են բորսայի սակարկությունների տվյալները։
Brent տեսակի նավթի հուլիսյան ֆյուչերսների գները թանկացել են 0,25% եւ կազմել 65.19 դոլար մեկ բարելի դիմաց, իսկ WTI տեսակի նավթի հուլիսյան ֆյուչերսների գները աճել են 0,15% եւ կազմել 59,07 դոլար, հայտնում է «ՌԻԱ Նովոստի»-ն։
Ավելի վաղ ԱՄՆ էներգետիկայի նախարարությունը հայտնել էր, որ ԱՄՆ-ում նավթի առեւտրային պաշարները (չհաշված ռազմավարական պահուստը) մեկ շաբաթվա ընթացքում 2.7 մլն բարելով պակասել են՝ հասնելով 482.2 մլն բարելի։ Վերլուծաբանները կանխատեսում էին, որ այս ցուցանիշը կպակասի 1.029 մլն բարելով։