ԱՄՆ սենատի նախկին աշխատակցին՝ 65-ամյա Ռոբերտ Լի Ֆոսթերին, կասկածում են առնվազն 3 կնոջից խաբեբայությամբ  500 հազար դոլար շորթելու մեջ, գրում է The Washington Times-ը։ Ամերիկացին ավելի քան 30 տարի աշխատել է Սենատի առեւտրի, գիտության եւ տրանսպորտի հանձնաժողովում։

Համաձայն մեղադրական ակտի՝ Ֆոսթերը խարդախություններ է գործել 2008-2015թթ.։ Այդ ժամանակահատվածում նա խաբել է 3 տարեց կնոջ։ Ըստ առկա տեղեկությունների՝ նա իր զոհերին համոզել է, որ իրեն գումար է պետք պարտքերը մարելու եւ գոյություն չունեցող առեւտրային ծախսերը հոգալու համար, որպեսզի կարողանա հրաժարական տալ, գրում է Gazeta-ն։

Նա ամեն անգամ զոհերին խոստանում էր, որ շուտով ինքը խոշոր գումարներ է ունենալու։