Պաշտպանության նախարարության աշխատակից, Գյումրիի պետական մանկավարժական ինստիտուտի ռազմական ամբիոնի ուսումնական մասի ավագ դասախոս, փոխգնդապետ Տիգրան Մադոյանը մեղադրվում է 60 հազար դրամ կաշառք ստանալու վերցնելու մեջ:
NEWS.am-ը Դատական տեղեկատվական համակարգից տեղեկացավ, որ Տիգրան Մադոյանը 2014թ. նոյեմբերի 10-ից դեկտեմբերի 5-ը նշանակված է եղել Գյումրու թիվ 29 դպրոցում նախատեսված մանկավարժական պրակտիկայի ղեկավար-մեթոդիստ: Այս ընթացքում տեղեկացված լինելով, որ ֆակուլտետի ուսանող Ռ.Գրիգորյանն ունեցել է բազմաթիվ բացակայություններ` Մադոյանի նրա պրակտիկայի արդյունքները դրական գնահատելու, կուրսային աշխատանքն անձամբ պատրաստելու եւ օրագրում համապատասխան գրառումներ ապահովելու համար 2014թ. դեկտեմբերի 8-ին անձամբ Ռ. Գրիգորյանից պահանջել է 60.000 ՀՀ դրամ կաշառք:
Տիգրան Մադոյանին մեղադրանք է առաջադրվել Քրեական օրենսգրքի 311-րդ հոդվածի 2-րդ մասով: Նա կալանավորված է:
Գործն ուղարկվել է Շիրակի մարզի ընդհանուր իրավասության դատարան: Նիստի օրը դեռ չի նշանակվել:
