![](img/news/26/92/94/default.jpg)
Պակիստանի Բելուջիսթան նահանգում հարյուրավոր փուշթուններ բողոքի ակցիա են կազմակերպել նահանգապետի նստավայրի մոտ, որտեղ հարձակում էր կազմակերպվել ավտոբուսի վրա։
AP գործակալության փոխանցմամբ՝ ակցիայի մասնակիցները շենքի առջեւ դրել են այդ հարձակումից զոհված 16 մարդկանց դագաղները եւ հայտարարել են, որ չեն թաղելու նրանց այնքան ժամանակ, քանի դեռ փուշթունների անվտանգությունը չի պաշտպանվել, գրում է «ՌԻԱ Նովոստի»-ն։
Ավելի վաղ հայտնի էր դարձել, որ անհայտ անձինք Բելուջիսթանում 35 մարդ են առեւանգել։ Ոստիկանությունը փորձել էր փրկել նրանց, սակայն արդյունքում մոտ 20 մարդ զոհվել էր։
Փուշթունների առաջնորդը հայտարարել էր, որ ավտոբուսն առեւանգած հանցագործները ուղեւորներին բաժանել են ըստ էթնիկ խմբերի եւ ազատ արձակելով բելուջիներին՝ սպանել են փուշթուններին։