Նախկինում գողության համար դատապարտված փեսացուն ձերբակալվել է իր հարսանիքից մեկ ժամ առաջ, հարսնացու տանը՝ գողության կասկածանքով, որը կատարել է կալիմի համար: Այս մասին հաղորդել է Թաիլանդի երրորդ ազգային հեռուստաալիքը:
Երկրի հյուսիս-արեւելքում Ուդոն Թհանի նահանգում սուպերմարկետի վաճառողը ձերբակալվել է հարսնացուի տանը: Նախորդ օրը սուպերմարկետից գողություն կատարելու գործը հետաքննող ոստիկանները հարսանիքի օրը անժխտելի ապացույցներ են ձեռք բերել, որ գողությունը կատարել է հենց փեսացուն, հաղորդում է «ՌԻԱ նովոստին»:
Նա աշխատանքից հետո մտել է խանութի պահեստ, որտեղ եղել է նաեւ դրամարկղի սարքը եւ հասույթի արկղը: Երիտասարդը գողացել է մոտ 3 հազար դոլար, որով նա ոսկյա շղթա է գնել որպես կալիմ օգտագործելու համար եւ վճարել տաքսուն, որը պետք է սպասարկեր ողջ օրը: Հարցաքննության ժամանակ փեսացուն հայտարարել է, որ իր 300 դոլար աշխատավարձով ինքը չէր կարող ամուսնանալ, եթե փող չգողանար:
Կալիմը Թաիլանդում հարսանիքի կարեւոր բաղադրիչ է: Սովորաբար փեսացուն այն վճարում է հարսնացուի ծնողներին բարձր հարգի ոսկով, հիմնականում շղթայի տեսքով, որի քաշը «պատվիրում» է հարսանցուի ընտանիքը:
