News
Լրահոս
News
Երկուշաբթի
Հուլիս 22
Տեսնել լրահոսը


«Ցեղակրոն» կուսակցության առաջնորդ, 6 տարվա ազատազրկման դատապարտված Շանթ Հարությունյանի որդին՝ Շահեն Հարությունյանն այսօր՝ հունիսի 13-ին, Հայաստան-Պորտուգալիա ֆուտբոլային հանդիպման ժամանակ խաղադաշտ դուրս գալով ցանկացնել իր բողոքը հայտնել Հայաստանում քաղբանտարկյալների առկայության դեմ: Այս մասին NEWS.am-ին ասաց Շահեն Հարությունյանը, որը  ոստիկանության կենտրոնական բաժին բերման երթարկվելուց մոտ մեկ ժամ անց ազատ է արձակվել: 

«Հենց այս խաղադաշտ եմ մտել, որովհետեւ աշխարհի լավագույն ֆուտբոլիստներից մեկը այս խաղադաշտում էր ու աշխարհի ուշադրությունն ամբողջովին իր վրա էր: Այս առիթը օգտագործեցի հերթական անգամ աշխարհին ցույց տալու համար, որ Հայաստանում կան քաղբանտարկյալներ ու մենք պահանջում ենք, որ նրանց ազատ արձակեն»,- ասաց Շահեն Հարությունյանը՝ նշելով, որ ինքը խաղադաշտ է մտել Freedom for Shant Harutyunyan and all political prisoners in Armenia գրությամբ պաստառով:    

Ոստիկանության բաժնի մոտ Շահեն Հարությունյանին էին սպասում ԱԺ պատգամավոր Նիկոլ Փաշինյանը, «Բարև Երևան» խմբակցության անդամ Դավիթ Սանասարյանը, նրա մայրն ու ընկերները: Նրանք Շահենին ծափերով դիմավորեցին՝ ասելով՝ դու այսօրվա հերոսն ես: 

Նշենք, որ միեւնույն ժամանակ հարեւանությամբ գտնվող մարզադաշտից դուրս էր  գալիս Հայաստան-Պորտուգալիա ֆուտբոլային հանդիպման հանդիսատեսը: Նրանցից ոմանք լուսանկարվեցին Շահեն Հարությունյանի հետ: 
Ավելի վաղ NEWS.am-ը հայտնել էր, որ Հայաստան - Պորտուգալիա Եվրոպայի առաջնության ընտրական հանդիպման առաջին խաղակեսի վերջնամասում խաղադաշտ է ներխուժել երկրպագու, որին մի փոքր ուշացումով ոստիկանները կարողացել են հեռացնել դաշտից: Երկրպագուն Շահեն Հարությունյանն էր՝ քաղաքական գործիչ Շանթ Հարությունյանի որդին, որը խաղադաշտ էր մտել հոր լուսանկարով վերնաշապիկը հագին:

Նշենք, որ արդեն մի քանի օր է քաղբնտարկյալ Շանթ Հարությունյանը կալանավայրում հացադուլ է հայտարարել. նա պահանջում է իրեն տեղափոխվել առանձին խուց, քանի որ մտահոգություն ունի, որ իր կյանքին վտանգ է սպառնում:

!
Այս նյութը հասանելի է նաև   English
Տպել
Կարդացեք նաև
Ամբողջը
«Փաստ». Իսկ ո՞ւմ «շնորհակալ լինենք» այս բարձիթողի վիճակի և անպատասխանատվության համար
Այդ հանգամանքները հստակ արտացոլված են «Ռոսսելխոզնադզորի» ղեկավարի տեղակալ Կարամզինի...
«Հրապարակ». Ինչու չկայացավ երկկողմ հանդիպումը
Ադրբեջանի նախագահի՝ արտաքին հարցերով օգնական Հիքմեթ Հաջիեւը, հիշեցնենք, հայտարարել էր, որ...
«Փաստ». Վիզաների ազատականացման «փիառային» բլեֆը
Բայց մի քանի միլիոն դոլարի աջակցության միջոցով անհնար է թուլացնել Հայաստանի կապը ԵԱՏՄ շուկայի հետ...
«Փաստ». Աննա Դանիբեկյանը ձգձգել է, որ արդարացման վճիռ չտա՞
Աննա Դանիբեկյանը մեկուկես տարի Ռոբերտ Քոչարյանին պահեց կալանքի տակ մի գործով, որը ճանաչվեց...
«Փաստ». Ավինյանը որոշել է քաղաքապետարանի մեքենաների ողջ պարկը թարմացնե՞լ
«Փաստ» թերթի տեղեկություններով, էկոլոգիապես մաքուր մեքենաների անցնելու գործոնից բացի, պաշտոնական...
«Հրապարակ». ԵՄ դեսպանը դիմել է ոստիկանություն
Մեզ հետ զրույցում Մուրազին նշեց, որ չի պատրաստվում ներկայանալ ոստիկանություն. «Ոստիկանություն չեմ...
Ամենաշատ
Ֆոտոռեպորտաժներ