Լոռիի «Էլիտար» տաքսի ծառայության վարորդը հերքում է լուրերը, թե փորձել է բռնաբարել ուղեւորուհուն: Նա NEWS.am-ի թղթակցի հետ զրույցում ասաց, որ այդ աղջիկը եւ նրա ընկերը իրեն շանտաժ են անում, որպեսզի գումար պոկեն: Վարորդը պատմեց, որ վերջիններս նախ ներկայացել են ուրիշի անուններով, հայտնել, թե գնանք Ծովագյուղ, մարդ կա իջեցնելու, իսկ երբ տեղ են հասել, ասել են, թե քեզ կսպանենք, ձկների կեր կդառնաս:
Նրանք տաքսիսիտից պահանջել են 100 հազար դրամ՝ ընտանիքին չվնասելու համար, վերջինս վճարել է 50 հազար դրամ, այդ պատճառով էլ գնացել են ոստիկանություն ու սուտ բաներ հայտնել:
Դեպքի առաջին իսկ օրվանից վարորդը ներկայացել է իրավապահներին ու փախուստի մեջ չի եղել: «Մի բան էլ ես եմ տուժողը, ինձ շառ է արել, սպառնացել, էդքան գումար պոկել, էս քանի օրը քննչականներից տուն չեմ գնում, էսօր էլ մեր տաքսու անունը ընկավ դրա պատճառով»,-պատմեց վարորդը:
Ավելի վաղ հայտնել էինք, որ 31-ամյա կինը դիմել է իրավապահներին եւ հայտնել, որ վարորդը (կինը նշել է անունը) բռնություն գործադրելով փորձել է սեքսուալ գործողություններ կատարել իր նկատմամբ, սակայն իրեն հաջողվել է իջնել մեքենայից եւ հեռանալ: