Ինդոնեզիայում ինքնաթիռի կործանման վայրում փլատակների տակից 90 զոհվածի մարմին են դուրս բերել: Այս մասին գրում է ՏԱՍՍ գործակալությունը:
«90 մարդու մարմին է հայտնաբերվել եւ տեղափոխվել դիահերձարան: Ներկայում պարզվել է 23-ի ինքնությունը»,- հաղորդել են տեղի ոստիկանությունում:
ՆԳՆ ներկայացուցիչների խոսքով, զոհերի թվում կան զինվորականներ եւ քաղաքացիական անձիք: Փրկարարներն աղետի վայրում շարունակում են աշխատել հզոր լուսարձակների լույսի ներքո:
Ինդոնեզիայի Ռազմաօդային ուժերի «Հերկուլես» ինքնաթիռն այսօր ընկել էր Մեդան քաղաքի բնակելի շրջանում: Աղետը տեղի է ունեցել թռիչքից մի քանի րոպե անց: Ինքնաթիռում 113 մարդ է եղել, այդ թվում՝ անձնակազմի 12 անդամ:
Հաղորդվում է, որ ինքնաթիռում զինծառայողներ եւ նրանց ընտանիքների անդամներ են եղել, այդ թվում՝ երեխաներ: