Ժամացույցներ արտադրող ճապոնական Casio ընկերությունը պատրաստվում է 2016-ի մարտին սեփական «խելացի» ժամացույցները թողարկել, գրում է The Wall Street Journal-ը:
Ընկերության նախագահ Կազուո Կաշիոն հայտարարել է, որ Casio «խելացի» ժամացույցները կլինեն լրացուցիչ հնարավորություններ ունեցող ժամացույցներ, քան ժամացույցի գործառույթ ունեցող գաջեթներ:
Casio-ն այս ժամացույցների հարցում շեշտը կդնի հարմարավետության ու հուսալիության վրա:
Ընկերությունում նշել են, որ նոր արտադրանքի գլխավոր սպառողը կլինեն ակտիվ կենսակերպ վարող տղամարդիկ: Դրանք կարժենան մոտավորապես 400 դոլար, հաղորդում է Gazeta-ն:
