Հայաստանի ՏԿԱԻՆ-ում, հուլիսի 6-ին, ժամը 21.26-ին ահազանգ է ստացվել, որ հրդեհ է բռնկվել Երեւանի Հալաբյան փողոցի թիվ 22 հասցեում գտնվող մեկ հարկանի ոչ բնակելի շինությունում:
Դեպքի վայր է մեկնել ՃԿԱԿ օպերատիվ խումբը եւ մեկ մարտական հաշվարկ:
Պարզվել է, որ հրդեհը բռնկվել է Հալաբյան փողոցի թիվ 22/1 հասցեում գտնվող «Սպիտակ» մարզաառողջարանային համալիր ՍՊԸ-ին պատկանող չշահագործվող շինությունում եւ կից վագոն-տնակում:
Հրդեհը մեկուսացվել է ժամը 22.04-ին, մարվել՝ 23.06-ին: Այրվել է օժանդակ շինությունը եւ վագոն-տնակը` գույքով (30 քմ):
