Երեւանում հշուլիսի 8-12-ը կայանալիք Ցեղասպանագետների միջազգային ընկերակցության 12-րդ գիտական կոնֆերանսը շատ ներկայացուցչական կլինի. ստացվել է ավելի քան 200 դիմում, սակայն ընտրվել  է 130 զեկույց։ Այս մասին հուլիսի 7-ին կայացած մամուլի ասուլիսի ժամանակ հայտարարեց Ցեղասպանագետների միջազգային ընկերակցության փոխնախագահ, Երեւանում 12-րդ գիտական կոնֆերանսի կազմակերպչական հանձնաժողովի նախագահ Դոննա Լի Ֆրիզը։

Նրա խոսքով՝ գիտական կոնֆերանսը ամենալավ միջոցն է, որի միջոցով մարդիկ կարող են հասնել իրենց նպատակներին։ «Անցյալում մենք զեկույցներ ենք ունեցել Հայոց ցեղասպանության թեմայով, բայց նրանք համալիր կերպով չեն եղել, նրանցում միայն նշված է եղել, դա ցեղասպանություն է, եւ որ դա չի կարելի ժխտել։ Իսկ ներկայիս կոնֆերանսին ներկայացված  զեկույցները Հայոց ցեղասպանության ուսումնասիրության մասին ավելի շատ նրբություններ են պարունակում»,- ընդգծեց Դոննա Լի Ֆրիզը։