Ռուսաստանցի միլիարդատեր Գերման Ստերլիգովի անունը եւս կներառվի Ադրբեջանի ԱԳՆ «սեւ ցուցակում»:
Ավելի վաղ հաղորդվել էր, որ հայտնի ռուսաստանցի գործարար Գերման Ստերլիգովը կնոջ եւ երեխաների հետ որոշել է տեղափոխվել Լեռնային Ղարաբաղ: Այս տեղեկատվությունը կատաղության է հասցրել Ադրբեջանին: Այդ երկրի ԱԳՆ ներկայացուցիչ Հիքմեթ Հաջիեւի խոսքով, Ստերլիգովի անունը ներառվել է «սեւ ցուցակում»:
Հիշեցնենք, որ Ադրբեջանի ԱԳՆ «սեւ ցուցակում» ընդգրկում է բոլոր նրանց, որոնք առանց Ադրբեջանի իշխանությունների գիտության այցելել են Լեռնային Ղարաբաղ: Այդ ցանկը գնալով համալրվում է, այնտեղ մի քանի հարյուր հայտնի մարդկանց անուններ են, այդ թվում համաշխարհային մեծության այնպիսի աստղերի, ինչպիսին է Մոնսերատ Կաբալիեն:
