Հուլիսի 7-ին Մոսկվայում ԱՊՀ անդամ պետությունների հարկային (ֆինանսական) հետաքննության մարմինների ղեկավարների համակարգող խորհրդի (ՀՀՄՂՀԽ) նախագահ, ՀՀ ֆինանսների նախարարության օպերատիվ հետախուզության եւ ներքին անվտանգության գլխավոր վարչության պետ Ռոբերտ Գալոյանը եւ Ֆինանսական հետախուզության մարմինների համակարգող խորհրդի (ՖՀՄՀԽ) նախագահ, ՌԴ ֆինանսական դիտարկման ծառայության տնօրեն Յուրի Չիխանչինը արձանագրություն են ստորագրել:
Ֆիննախի մամուլի ծառայությունից հայտնում են, որ այդ արձանագրությամբ նախատեսվում է աջակցություն՝ ԱՊՀ անդամ պետություններում ՀՀՄՂՀԽ եւ ՖՀՄՀԽ ներկայացուցիչների միջեւ աշխատանքային կապերի ստեղծման, տեղեկատվության եւ միջազգային իրավապահ գործունեության փորձի ու վերլուծական աշխատանքների արդյունքների փոխանակման հարցերում, ինչպես նաեւ համատեղ մասնակցություն՝ հատուկ գործնական, օպերատիվ կանխարգելման միջոցառումներին, համաժողովներին, ցուցահանդեսներին, տեղեկատվության փոխանակման բարելավմանն ու ժամանակակից նյութատեխնիկական միջոցներով ապահովմանն առնչվող միջազգային ծրագրերին: Փաստաթղթով նախատեսվում է նաեւ ՀՀՄՂՀԽ եւ ՖՀՄՀԽ անձնակազմերի ուսուցում: