![](img/news/27/88/39/default.jpg)
Կահիրեի քրեական դատարանը հուլիսի 27-ին եգիպտացի դատավորներին վիրավորելու գործով հերթական նիստն է անցկացրել, որի ընթացքում Եգիպտոսի նախկին նախագահ, ամբաստանյալ Մուհամմեդ Մուրսին հայտարարել է, որ չի ճանաչում իր դեմ դատավարությունը։
«Ես ուզում եմ հայտարարել, որ չեմ ճանաչում այս դատավարությունը, թեեւ հարգում են արդարադատությունը։ Ես նաեւ հայտարարում եմ, որ ես հեղափոխական եմ եւ մերժում եմ հեղաշրջումը»,- հասցրել է բացականչել Մուրսին, նախքան դատավորը կանջատեր նրա միկրոֆոնը։
Այս գործով Մուրսիից բացի անցնում են նաեւ «Մուսուլման եղբայրներ» խմբավորման 24 անդամ, գրում է «ՌԻԱ Նովոստի»-ն։