Հայաստանի խորհրդարանի պատգամավորները պատրաստ են «Նաիրիտ» գործարանի համար լուրջ հարկային արտոնությունների մասին օրինագիծ կազմել եւ հաստատել։ Այս մասին հուլիսի 28-ին Ազգային ժողովում հայտարարեց ՀՀԿ պատգամավոր, խորհրդարանի տնտեսական հարցերով հանձնաժողովի ղեկավար Վարդան Այվազյանը՝ դիմելով ՀՀ էներգետիկայի եւ բնական պաշարների նախարար Երվանդ Զախարյանին։

«Մենք հասկանում են, որ ապագա ներդրողին լուրջ հարկային արտոնություններ պետք կգան։ Եվ մենք՝ պատգամավորներս, պատրաստ ենք կազմել լրջագույն օրինագիծ ներդրողներին տարբեր ուղղակի եւ անուղղակի հարկերից ազատելու համար։

Եթե ժամանակին այդ միջոցը կիրառվում էր Վանաձորի «Քիմպրոմի» համար, ապա հիմա կարող է օգնել նաեւ «Նաիրիտին»։ Մենք գիտակցում ենք այդ ձեռնարկության մեծ կարեւորությունը եւ պատրաստ ենք անել մեր ուժերի սահմաններում ամեն բան»,- հավելեց պատգամավորը։