ԼՂՀ պաշտպանության բանակը հերքում է, որ ադրբեջանական կողմն այսօր՝ հուլիսի 29-ին, ոչնչացրել է հայկական անօդաչու սարք:
NEWS.am-ի թղթակցի հետ զրույցում, ՊԲ մամուլի խոսնակ Սենոր Հասրաթյանը, անդրադառնալով Ադրբեջանի պաշտպանության նախարարության տարածած հաղորդագրությանը, մասնավորապես ասաց. «Իրականությանը չի համապատասխանում: Եթե հավատանք ադրբեջանական քարոզչությանը, ապա ադրբեջանական կողմն ամեն օր հայկական անօդաչու սարք է ոչնչացնում»:
Նշենք, որ haqqin.az-ի փոխանցմամբ՝ Ադրբեջանի պաշտպանության նախարարությունը հայտարարել է, որ ոչնչացված անօդաչու սարքը թռիչքներ էր իրականացնում Աղդամի ուղղությամբ: