Մեքսիկայի մայրաքաղաքի բնակարաններից մեկում 5 մարդու մարմիններ են հայտնաբերվել։ Նրանցից մեկը ընդդիմադիր հայտնի Proceso պարբերականի լուսանկարիչն է, որը լրագրողական հետաքննություններ էր իրականացնում։ Այս մասին, այսօր՝ օգոստոսի 2-ին հայտնել է The Guardian թերթը։

Էսպինոսայի մարմինը ճանաչել են հարազատները։ Նա երկու հրազենային վնասվածք է ստացել։ Վերջերս սպառնաալիքների պատճառով նա լքել էր ընտանիքն ու փախել Վերակրուս նահանգից, որտեղ 2010 թվականին 11 լրագրող էր սպանվել։

Լուսանկարչի մարմնի հետ միասին ոստիկանությունը բնակարանում հայտնաբերել է 4 կանանց մարմիններ․ նրանց ինքնությունը եւ մահվան պատճառները ճշտվում են։

Article 19 իրավապաշտպան կազմակերպությունը նշել է, որ Էսպինոսայի սպանությունը վկայում է Մեքսիկայում լրագրողների դեմ բռնության նոր աստիճանի մասին, եւ որ երկրի իշխանությունները ոչինչ չեն արել պաշտպանելու համար հետապնդումից թաքնվող լրագրողին։