Պերուի Անկաշ շրջանում միջադեպ է տեղի ունեցել Հումբոլտ անունով պինգվինի մասնակցությամբ: Նուեվա-Չիմբոտեի բնակիչները դիմել են իրավապաշտպան մարմիններին եւ պատմել ճանապարհին` մեքենաների արանքում «շշմած եւ շվարած» թռչունի մասին:
Դեպքի վայր եկած օրինականության պահապանները չեն կարողացել միանգամից բռնել թռչունին, որը կարող էր Ուոլեսի եւ Գրոմիտի մասին ֆիլմերի հերոս Ֆեզերս Մակգրոյին ոստիկանությունից փախչելու արվեստի արժեքավոր դաս տալ, հաղորդում է The Daily Mirror-ը: Պարբերությունը ավելացնում է, որ Պերուի ոստիկանները «աշխարհում ամենաքնքուշ» հետապնդումն են կազմակերպել:
Ի վերջո շփոթված թռչունին կարողացել են բռնել: Նրան փաթափել են բաճկոնի մեջ, նստեցրել են ոստիկանական մեքենա եւ տարել բաժանմունք, որտեղ նրան կերակրել են ձկով:
