Ոստիկանությունը «Կանեփ-կակաչ-2015» համալիր օպերատիվ-կանխարգելիչ միջոցառման շրջանակներում հայտնաբերել է թմրամիջոցի ապօրինի յուրացման հերթական դեպքը:

Օգոստոսի 21-ին ժամը 19:00-ի սահմաններում ոստիկանության աշխատակիցները թմրամիջոց ունենալու կասկածանքով բերման են ենթարկել երեւանցի երեք երիտասարդի: Պարզվել է, որ երիտասարդները մեկ ժամ առաջ Մարտունի-Սեւան ավտոճանապարհին քաղել էին վայրի աճեցրած կանեփի թփեր:

Մեքենայի մեջ ոստիկանները հայտնաբերել են կանեփանման զանգված եւ առգրավվել այն: Փորձաքննությամբ հայտնի է դարձել, որ առգրավվածը մարիխուանա տեսակի թմրամիջոց է:

Փաստի առթիվ հարուցվել է քրեական գործ: Նախաքննությունը շարունակվում է:

Մանրամասները՝ ոստիկանության պատրաստած տեսանյութում: