ԱՄՆ Քալիֆորնիա նահանգի Մոնթերեյ շրջանի խիստ ռեժիմով գաղութի բանտարկյալները խռովություն են բարձրացրել: Ինչպես հայտնել է Սոլեդադի անվտանգության բարձրագույն ռեժիմով բանտի աշխատակազմը՝ խռովության հետեւանքով տուժել է առնվազն երկու մարդ: Անվտանգության աշխատակիցները ստիպված են եղել զենք եւ պղպեղագազ կիրառել:

Ինչպես հայտնել է նահանգի բանտային համակարգի ներկայացուցիչը՝ ընդվզած բանտարկյալներին հանդարտեցնելու համար անվտանգության աշխատակիցները ստիպված են եղել օդ կրակել ու պղպեղագազ կիրառել: Միջադեպի հետեւանքով երկու մարդ վիրավորում է ստացել: Խռովությանը մասնակցում էր 90 բանտարկյալ:

Մոնթերեյ շրջանի իշխանությունների խոսքով՝ անկարգությունները սկսվել էին բանտի չորրորդ հարկում, որտեղ իրենց պատիժն են կրում մարդասպաններն ու գողերը:

Ինչպես հայտնում է CBS -ը ՝ այս պահին խիստ ռեժիմով բանտում 3 691 բանտարկյալ կա: