Վրաստանի ներքին գործերի նախկին փոխնախարար Լեւան Գվազավան Թբիլիսիի մոտակայքում հարձակման է ենթարկվել։ Այս մասին հայտնում է Վրաստանի դատախազությունը։ Ըստ առկա տեղեկությունների՝ Թբիլիսի-Թաբախմելա մայրուղու վրա հնարավոր դավադրության պատճառով Գվազավան գլխից վիրավորվել է եւ ծանր վիճակով տեղափոխվել Ինգորոկվի հիվանդանոց, իսկ նրան ուղեկցող Ռեզո Քալոմլեցավին տեղում մահացել է։
Դատախազությունից նշել են, որ նախկին փոխնախարարի վիճակը ծանր է. Գվազավան կոմայի մեջ է, նրան միացրել են արհեստական շնչառության ապարատին։
Նրա հարազատները լրագրողներին հայտնել են, որ Գվազավան «Իրավապահների պաշտպանության լիգայի» հիմնադիրներից մեկն է։ Սպանվածը նրա բարեկամն էր եւ նախկին ոստիկան։
Դեպքի վայր է ժամանել նաեւ Վրաստանի ՆԳ նախարար Գեորգի Մհեբրիշվիլին։