Բանգկոկում 20 մարդու կյանք խլած պայթյունի կազմակերպիչը օտարերկրացի է, հայտնում է Reuters-ը՝ վկայակոչելով Թաիլանդի մամուլի ծառայությունը։

Ոստիկանությունը չի հայտնել, թե որ երկրից է ժամանել կասկածյալը, սակայն տեղական եթերում ցուցադրվող մի շարք տեսանյութերում երեւում է, որ ձերբակալված տղամարդու բնակարանում 1987թ. ծնված Թուրքիայի քաղաքացու անձնագիր է հայտնաբերվել, փոխանցում է Gazeta.ru-ն։

Հիշեցնենք, որ օգոստոսի 17-ին Բանգկոկում 5 կգ քաշով տրոտիլային ռումբ էր պայթել, որի հետեւանքով զոհվել էր 20 մարդ, այդ թվում՝ զբոսաշրջիկներ։