22-ամյա բրիտանացի Էնդրյու Ինգլուն մի քանի տհաճ րոպեներ է վերապրել, երբ Բլեքփուլի կենդանաբանական այգուն բնակվող Ռամոն անունով 16-ամյա օրանգուտանը փորձել է գրավել իր ընկերուհու ուշադրությունը:
Բրիտանացու սիրելին՝ լուսանկարիչ Հոլլի Գորդոնը, Metro-ին պատմել է, որ կանոնավոր կերպով այցելում է այդ այգի՝ կենդանիներին նկարելու նպատակով:
«Անսպասելիորեն նկատեցի, որ Ռամոնը սկսել է ճանաչել ինձ: Երբ ես հայտնվում էի, նա սեղմվում էր ազատավանդակի ճաղերին, նաեւ մշտապես ժպտում ու աչքով էր անում ինձ»,- պատմել է աղջիկը: Գորդոնի խոսքով, ինչ-որ պահի դա սկսել է անհանգստացնել իր սիրելիին՝ կենսաքիմիկոս Էնդրյուին:
Ամեն դեպքում, աղջկա խոսքով, օրանգուտանը երբեք չի փորձել իրեն դիպչել, այնպես որ՝ երիտասարդ բրիտանացին անհանգստանալու պատճառ չունի:
