Worldcarfans հրատարակության տրամադրության տակ են հայտնվել Toyota Prius նոր սերնդի հիբրիդի լուսանկարները: Մեքենան առաջին անգամ են լուսանկարել առանց կամուֆլյաժի: Մինչ այդ հրապարակվել էին լուսանկարներ, որոնց վրա հեթչբեքը պատկերված է իր նախնական տեսքով կամ էլ ծածկված էր պաշտպանիչ կտորով:
Մոդելի դիզայնը կատարված է Toyota Mirai ջրածնային հեթչբեքի ոճով: Մեքենան ունի ամբողջովին նոր առաջնամաս ու հետնամաս: Նաեւ արմատապես փոխվել է ներքին հարդարանքը, որի լուսանկարները հրապարակվել էին դեռ օգոստոսի կեսերին: Նոր լուսանկարներում սալոնը ներկայացված չէ, հայտնում է Motor-ը:
Նոր «Փրիուսը» կդառնա «Տոյոտայի» նոր մոդելը, որը կառուցված է Toyota New Global Architecture (TNGA) մոդուլային պլատֆորմի վրա: Ենթադրվում է, որ մեքենան կունենա 1.8 հզորությամբ բենզինե շարժիչ, 90 հզորությամբ էլեկտրական շարժիչ, ինոային մարտկոցներ ու վարիատոր:
Հեթչբեքը հասանելի կլինի նաեւ նոր մոդիֆիկացիայով, որը լիցքավորվում է կենցաղային էլեկտրացանցից: Էլեկտրական լիցքավորումով մեքենան կկարողանա անցնել մինչեւ 50 կմ: Հիբրիդային ռեժիմով «Փրիուսը» կկարողանա հարյուր կիլոմետրում մոտավորապես 1.4 լ վառելիք ծախսել: Բացի դրանից ակնակլվում է, որ մեքենան կունենա լիաքարշակ տարբերակ եւ անլար լիցքավորման գործառույթ:
Նոր «Փրիուսի» շնորհանդեսը կկայանա սեպտեմբերի 8-ին: Ավտոմեքենան վաճառքի կդրվի 2016թ.:
