Նորվեգական Statoil նավթագազային ընկերությունը լքում է Ադրբեջանի էներգետիկ սեկտորը։ Այս մասին  գրում է ԱՊԱ-ն՝ վկայակոչելով Statoil Azerbaijan-ի աշխատակցին։ Աղբյուրի փոխանցմամբ՝ ընկերությունում մեծ կրճատումներ են տեղի ունեցել։

«Եթե ընկերությունն ուներ 40 աշխատակից, հիմա մնացել են 10-12-ը։ Բաքվի  գրասենյակը փակվել է, մնացել է փոքր աշխատակազմ։ Հասարակայնության հետ կապերի եւ նմանատիպ բոլոր բաժինները փակվել են։ Աշխատավայրում մնացել են ղեկավարներն ու հաշվապահության աշխատակիցները»։

Հիշեցնենք, որ Statoil-ը ադրբեջանական շուկա էր մտել 1992թ. եւ մի շարք խոշոր նախագծերի մասնակից էր։ Ներկայումս նրան է պատկանում Տրանսադրիատիկ գազատարի նախագծի բաժնեմասերի 20 տոկոսը։ Սակայն բանակցություններ են ընթանում դրանք մալայզիական Petronas-ին վաճառելու հարցով։