Հրաժարականից մի քանի ժամ հետո դատարանը ձերբակալել եւ բանտ է գցել Գվատեմալայի հիմա արդեն նախկին նախագահ Օտտո Պերես Մոլինային, գրում է New York Times-ը:
Հիմա նախկին նախագահը սպասում է դատարանի որոշմանը Գվատեմալայի մայրաքաղաք Մատամորոսի բանտում:
Դատական լսումների ընթացքում դատախազները հրապարակել են վեց ժամ երկարության քննարկումներով աուդիոձայնագրությունը: Մոլինան դուրս է եկել դատարանի դահլիճից ու հանգիստ հայտնել լրագրողներին, որ մի բան է լսելը,բոլորովին այլ բան՝ հետաքննություն անցկացնել:
«Բոլոր գվատեմալացիները պետք է հարգեն օրենքը, ու ես ձեզ վստահեցնում եմ, որ ես կհարգեմ օրենքը ու այս դատավարությունը»,- շեշտել է նախկին նախագահը, հայտնում է Gazeta-ն:
Մոլինային մեղադրում են՝ երկրի մաքսային մարմինների գործունեության մեջ բացահայտված զանգվածային կոռուպցիոն սխեմային մասնակցելու համար:
