Երեւանում սեպտեմբերի 8-ին կկայանա ԱՊՀ անդամ պետությունների՝ երկաթուղային տրանսպորտի անվտանգ տեղաշարժի հարցերով խորհրդի հանձնաժողովի նիստը: Այս մասին NEWS.am-ին տեղեկացրեցին «Հարավ-կովկասյան երկաթուղի» ընկերության մամուլի ծառայությունից:
Նիստին կմասնակցեն Բելառուսի, Վրաստանի, Ղազախստանի, Ղըրղզստանի, Լատվիայի, Լիտվայի, Մոլդովայի, Ռուսաստանի, Տաջիկստանի, Թուրքմենստանի, Ուզբեկստանի, Ուկրաինայի, Էստոնիայի երկաթուղային վարչությունների ներկայացուցիչներ:
Հանձնաժողովի հիմնական նպատակներն են, մասնավորապես, միջազգային երկաթուղային հաղորդակցությունում անվտանգ տեղաշարժի ապահովման ոլորտում միասնական քաղաքականության ձեւավորումը, անվտանգ երթեւեկության հարցերում գործողությունների համակարգումը, երկաթուղային տրանսպորտով տեղաշարժի անվտանգության բարձրացման շուրջ առաջարկների նախապատրաստումը: