Ցանցում հայտնվել է 10558 համարը կրող Windows 10, որում նոր գործառույթներ են հայտնաբերվել, այդ թվում՝ Find My Device («Գտիր իմ սարքը») վերնագրով, հաղորդում է Microsoft News պորտալը։

Find My Device գործառույթը թույլ է տալիս գտնել սարքը, եթե դա կորի։ Ծառայությունը ցույց է տալիս այն տեղը, որում սարքը վերջին անգամ միացել է ցանցին։ Գործառույթի աշխատանքի համար անհրաժեշտ են   Bluetooth-ի որոշակի դրայվերներ, որոնք առկա են միայն Windows 10 Pro համակարգում։ Այս պահին գործառույթը գործարկելիս այն ավտոմատ կերպով անջատվում է, հաղորդում է Gazeta.ru-ն։

Մի շարք նոր գործառույթների կողքին, այդ տարբերակում բարձրացված է համակարգի արտադրողականությունը եւ բարելավված է Skype-ի աշխատանքը։ Ավելի վաղ Microsoft-ը Skype-ի դեսքթոփային տարբերակին վայրկենական թարգմանության Skype Translator հավելված էր տեղադրել։