Չելյաբինսկի մարզում դպրոցականը սպանել է մորն ու ծանր վիրավորել հորը: Պատճառը World of Warcraft խաղալու արգելքն է: Այս մասին գրում է Gazeta.ru-ն՝ վկայակոչելով ՌԴ Քննչական կոմիտեի Չելյաբինսկի մարզի կայքի տեղեկությունը:
Նախնական վարկածի համաձայն, դպրոցականը դպրոցից տուն է եկել «անբավարար» գնահատականով, ինչի պատճառով ծնողներն արգելել են համակարգչի առջեւ նստել: Երբ տղայի հայրը տուն է եկել, երեխան դանակի մի քանի հարված է հասցրել նրան: Տղամարդը չի մահացել, սակայն ծայրահեղ ծանր վիճակում է:
Դեռահասի խոսքով, տեղի ունեցածից հետո որոշել է ինքնասպանություն գործել: Նրան որոշ ժամանակ անց գտել են բնակավայրի մոտակա լճի ափին:
