Արգենտինայի նախագահի հանպատրաստից պարը համացանցի հիթ է դարձել։ Այս մասին գրում է The Telegraph-ը։ Քրիստինա Ֆերնանդես դե Քիրշները որոշել է պետության նախագահի պաշտոնի համար պայքարում իր աջակցությունը հայտնել Բուենոս Այրեսի նահանգապետ Դանիել Սցիոլիին։ Նախընտրական ակցիայի ավարտին քաղաքական երգ է հնչել, որի հնչյունների ներքո ներկայիս նախագահը ցուցադրել է իր վարպետությունը։

Պարը շարունակվել է մի քանի րոպե։ Թերթը նշում է, որ պետության ղեկավարի պարը իսկական հիթ է դարձել։

Նշենք, որ իշխող կուսակցության անունից առաջադրված Սցիոլին նախագահական պայքարի առաջատարն է համարվում։ Ընտրությունների առաջին փուլը կկայանա հոկտեմբերի 25-ին, գրում է Gazeta-ն։