Եվրամիության 28 երկրների արտգործնախարարները ավելի քան 400 մլն եվրոյով մեծացրել են միգրացիոն ճգնաժամի դեմ պայքարի բյուջեն։

Այս մասին հայտնել է ԵՄ Խորհուրդը, որի նիստը ընթանում է Լյուքսեմբուրգում, գրում է ՏԱՍՍ-ը։

«Խորհուրդը հաստատել է միգրացիոն ճգնաժամին ի պատասխան հատկացված լրացուցիչ ֆինանսական օգնությունը։ Արագացված ընթացակարգով Խորհուրդը ընդունել է 2015թ. բյուջեի փոփոխության նախագիծը, որը միգրացիայի ոլորտում ԵՄ աջակցությունը կամրապնդի 401,3 մլն եվրոյով»,- ասված է Խորհրդի մամուլի ծառայության հաղորդագրության մեջ։