![](img/news/28/98/98/default.jpg)
Իսպանիայում բասկերի ԷՏԱ խմբավորման նախկին առաջնորդ Սանտյագո Արոսպիդե Սարասոլան 94 տարվա ազատազրկման է դատապարտվել: Այս մասին հաղորդում է ՏԱՍՍ գործակալությունը:
67-ամյա Սարասոլան ձերբակալվել է հունվարին: Մեղադրական եզրակացության համաձայն, 1987 թվականին նա է կազմակերպել Բարսելոնայում քաղաքացիական գվարդիայի ավտոմեքենայի պայթյունը: Պատահարի հետեւանքով 1 մարդ է զոհվել, վիրավորվել է 2 իրավապահ:
Ըստ Gazeta.ru-ի, գոյության ավելի քան 50 տարվա ընթացքում ԷՏԱ-ի կազմակերպած ահաբեկչությունների զոհ է դարձել ավելի քան 800 մարդ: Իսպանիայի եւ Ֆրանսիայի իրավապահ մարմինները շարունակում են հետապնդել խմբավորման անդամներին: