Ղազախստանի նախագահ Նուրսուլթան Նազարբաեւն օրենք է ստորագրել ՝ Եվրասիական տնտեսական միության շրջանակում դեղամիջոցների շրջանառության ընդհանուր կանոնների մասին համաձայնագիրը վավերացնելու մասին, երկուշաբթի այս մասին տեղեկացրել է պետության մամուլի ծառայությունը:
Համաձայնագիրը ստորագրվել էր Մոսկվայում 2014թ. դեկտեմբերի 23-ին: Փաստաթուղթը սահմանում է միության շրջանակում բժշկական դեղամիջոցների շրջանառության միասնական սկզբունքներ ու կանոններ ՝ դեղամիջոցների ընդհանուր շուկա ձեւավորու նպատակով: ԵՏՄ անդամ պետությունները պետք է ներդաշնակեցնեն իրենց օրենսդրությունները դեղամիջոցների շրջանառության ոլորտում, ապահովելով դրանց անվտանգության նկատմամբ միասնական պահանջներ, հայտնում է «ՌԻԱ Նովոստին»:
ԵՏՄ շրջանակներում դեղամիջոցների իրացումը թույլատրվում է, եթե դրանք գրանցվել են սահմանված ընթացակարգին համապատասխան, իսկ դրանց մասին տեղեկություններն էլ գրացվել են միության միասնական ռեեստրում: Դեղամիջոցների արտադրությունն իրականացվում է տվյալ գործունեության թույլատվության հիման վրա, որը տրամադրվում է տվյալ պետության օրենքով սահմանված կարգով: Եվրասիական տնտեսական հանձնաժողովը կազմելու է գրանցված, ինչպես նաեւ որակի պահանջներին չհամապատասխանող, կեղծ ու արգելված դեղամիջոցների տվյալների տեղեկատվական բազա:
