![](img/news/29/07/80/default.jpg)
Թուրքիան Ռուսաստանի հետ էներգետիկ ոլորտում ոչ մի խնդիր չունի։ Այս մասին հայտարարել է Թուրքիայի էներգետիկայի եւ բնական պաշարների նախարար Ալի Ռըզա Ալաբոյունը։
Թուրքական Hurriyet-ի փոխանցմամբ՝ Թուրքիայի էներգետիկայի եւ բնական պաշարների նախարար Ալի Ռըզա Ալաբոյունը նշել է, թե օրեր առաջ Թուրքիայի նախագահի հայտարարությունը Ռուսաստանի հետ էներգետիկ հարցերի հետ կապված, ռեզինի պես ձգել են։ Թուրք նախարարը պնդել է, թե Ռուսաստանի իր գործընկերոջ հետ էլ հանդիպման ժամանակ էլ հաստատվել է, որ Ռուսաստանի եւ Թուրքիայի միջեւ էներգետիկ խնդիր չկան։
Նշենք, որ Սիրիայում ռուսական ավիահարվածներից հետո Թուրքիայի նախագահ Ռեջեփ Թայիփ Էրդողանը հայտարարել էր, թե Թուրքիան կարող է գազ գնել այլ երկրներից, իսկ Թուրքիայում ռուսների կողմից կառուցվող ատոմակայանն էլ ուրիշները կկառուցեն։