Ռուսաստանը պատրաստ է «Իսլամական պետության» դեմ պայքարելիս համագործակցել այլ երկրների հետ։ Համերաշխ գործողությունները կարող են արդյունք տալ։ Այս մասին հայտնել է ՌԴ արտգործնախարար Սերգեյ Լավրովը։
Մենք պատրաստ ենք սերտորեն համագործակցել բոլոր երկրների հետ, այդ թվում՝ ահաբեկչությանը անմիջականորեն բախվող պետությունների հետ։ Հասկանալի է, որ ահաբեկչության դեմ պայքարի խնդիրը բոլորի համար գերակա է։ Ակնհայտ է, որ ներկայիս անհանգիստ միջազգային իրավիճակում պետք է համաձայնության գալ լիակատար իրավահավասարության եւ անկեղծ գործընկերության հիմքերի վրա։ Ռուսաստանը դրան պատրաստ է»,- ասել է Լավրովը Պետդումայում, փոխանցում է «ՌԻԱ Նովոստի»-ն։
