![](img/news/29/08/26/default.jpg)
Ֆրանսիայի մայրաքաղաք Փարիզի Ռենսի արվարձանում՝ տեղի վարչական կենտրոնի շենքի դիմաց, հոկտեմբերի 14-ին հրաձգություն է տեղի ունեցել։ Այս մասին գրում է Parisien թերթը։
Հարձակման են ենթարկվել շենքից դուրս եկած երեք մարդ։ Դարանակալած անհայտ անձինք կրակ էին արձակել շենքից դուրս եկածների ուղղությամբ եւ վիրավորել նրանցից մեկին։
Հանցագործները դեպքի վայրից դիմել են փախուստի, իսկ տուժածը հոսպիտալացվել է։ Նրա կյանքին վտանգ չի սպառնում։ Հարձակման պատճառները դեռեւս անհայտ են, փոխանցում է ՏԱՍՍ-ը։
Հիշեցնենք, որ անցյալ շաբաթ Փարիզի Սենա Սեն Դենի արվարձանում հրաձգությունից վիրավորվել էր մեկ ոստիկան։ Դրանից հետո ոստիկանները Փարիզի կենտրոնում՝ Արդարադատության նախարարության շենքի մոտ, ցույց էին կազմակերպել՝ արդարադատության մարմիններից պահանջելով ապահովել իրենց անվտանգությունը։