Հայաստանի Հանրապետության վարչապետ Հովիկ Աբրահամյանի հրավերով այսօր` հոկտեմբերի 14-ին, երկօրյա պաշտոնական այցով Հայաստան է ժամանել Իրանի Իսլամական Հանրապետության նախագահի առաջին տեղակալ Էսհաղ Ջահանգիրին:
Կառավարության մամուլի ծառայությունից NEWS.am-ին հայտնում են, որ «Զվարթնոց» օդանավակայանում Իրանի իր գործընկերոջը դիմավորել է վարչապետ Հովիկ Աբրահամյանը:
Քիչ անց ՀՀ կառավարության շենքում տեղի կունենա ՀՀ վարչապետի եւ ԻԻՀ նախագահի առաջին տեղակալի առանձնազրույցը, ապա պատվիրակությունների ընդլայնված կազմով հանդիպումը, որից հետո Հովիկ Աբրահամյանը եւ Էսհաղ Ջահանգիրին հանդես կգան ԶԼՄ ներկայացուցիչների համար հայտարարությամբ: