Որեւէ խոչընդոտ չկա զարգացնելու Իրանի եւ Հայաստանի հարաբերությունները։ Այդ մասին հայտարարել է Իրանի Իսլամական Հանրապետության փոխնախագահ Էսհագ Ջահանգիրին վարչապետ Հովիկ Աբրահամյանի հետ հանդիպումից հետո։ Երկկոմ ձեւաչափով հանդիպումից հետո կայացել է պատվիրակությունների հանդիպումը։
Գոհունակություն հայտնելով երկու երկրների միջեւ հարաբերությունների զարգացման կապակցությամբ՝ Իրանի փոխնախագահը նկատել է, թե հանդիպմանը քննարկվել են տարբեր ոլորտներում համագործակցության զարգացմանը վերաբերոց հարցեր։ «Հարաբերությունների զարգացման համար սահմանափակումներ չկան»,- ամփոփել է ԻԻՀ փոխնախագահը։
Նրա խոսքով, Իրանի հաջողությունները 5+1 ձեւաչափում նոր պայմաններ եւ նոր հեռանկարներ են ստեղծում տնտեսական կապերի զարգացման համար։ Փոխնախագահը նշել է, թե էլեկտրահաղորդակցության երրորդ գծի շինարարությունը, որը, նրա բառերով, բարդություններ ունի, շնորհիվ աննցած տարի վարչապետ Աբրահամյանի այցի ժամանակ ձեռքբերված պայմանավորվածությունների շարունակվում է, եւ, հույս ունեն, շուտով կավարտվի։
Փոխնախագահը նշել է,թ ե հանդիպմանը քննակվել են տրանսպորտային հաղորդակցության եւ երկաթուղյաին հաղորդակցությանը առնչվող հարցեր։ Նա, սակայն, չի հստակեցրել, թե ինչ կոնկրետ հարցեր են քննարկվել, միայն հույս է հայտնել, թե տարածաշրջանային մյուս երկրների հետ համագործակցությամբ կհաջողվի Պարսից ծոցը կապել Սեւ ծովի հետ։
Ջահանգիրին նշել է, թե ԵՏՄ-ին Հայաստանի անդամակցությունը համագործակցության նոր պատուհան է բացում միաժամանակ ընդգծելով միասնական մաքսային պատուհանի մեխանիզմի ստեղծման անհրաժեշտությունը։
Լուսանկարները՝ Արսեն Սարգսյանի /NEWS.am
