Վիետնամը քննարկում է Հայոց ցեղասպանության ճանաչման հնարավորությունը։ Այդ մասին Միջազգային հարաբերությունների Մոսկվայի պետական ինստիտուտի շրջանավարտների 3-րդ Միջազգային համաժողովի շրջանակներում Ծիծեռնակաբերդ կատարած այցից հետո NEWS.am-ի թղթակցի հետ զրույցում ասել է Վիետնամի արդարադատության նախարար Հա Հունգ Կունգը։
«Մենք քննարկում ենք Հայոց ցեղասպանության ճանաչման հարցը։ Ընդհանուր առմամբ Վիետնամը դատապարտում է ցանկացած ազգի դեմ իրականացրած ցեղասպանությունը»,- ասել է նախարարը։
Անդրադառնալով Երեւանի եւ Հանոյի միջեւ հարաբերությունների պատմությանը՝ Հա Հունգ Կունգը նշեց, որ երկու երկրների միջեւ միշտ բարեկամական հարաբերություններ են եղել, իսկ Վիետնամի պատերազմի տարիներին Հայաստանը օգնել է ավելի քան 1000 կադրերի նախապատրաստման գործում։ Նրանցից շատերն մինչ օրս աշխատում են ինչպես պետական համակարգում, այնպես էլ երկրի տարբեր կազմակերպություններում։
«Դա մեծ ներդրում է մեր հարաբերությունների ժառանգությունում, որը պետք է հետայսու եւս զարգացնել»,-ամփոփել է նախարարը:
