70 տարվա հնեցման՝ հայկական «Արարատ» կոնյակը Լոնդոնի աճուրդում վաճառվել է շուրջ 120 հազար ԱՄՆ դոլարով: Այս մասին հայտնում է «Asbarez.com» կայքը:
Հատուկ աճուրդը նվիրված էր Միացյալ թագավորության վարչապետ Ուինսթոն Չերչիլիի մահվան 50-րդ տարելիցին: Աճուրդը հովանավորել է Մոնակոյի արքայազն Ալբերտ 2-րդը, կազմակերպչական աշխատանքները հովանավորել են ՄԹ-ում Մոնակոյի դեսպան Էվելին Ջենթան, ՄԹ-ում Հայաստանի դեսպան Արմեն Սարգսյանը:
Նշենք, որ աճուրդում վաճառվել են Չերչիլիի նախընտրած խմիչքները, ծխախոտները, հագուստը եւ այլն:
Աճուրդի ժամանակ մեծ հետաքրքրություն է եղել հայկական կոնյակի նկատմամբ: Վաճառքից ստացված գումարն օգտագործվելու է բարեգործական նպատակներով: