Վանի Աղթամարի Ս. Խաչի վերաբացման եւ առաջին պատարագի մատուցումը պատշաճ կազմակերպելու համար Վան ժամանած Պոլսո Հայոց պատրիարքարանի հոգեւոր խորհրդի առաջնորդ Թաթուլ Անուշյանը պատասխանել է թուրքական Presıj-ի հարցերին։ Ստորեւ ներկայացնում ենք այդ հարցազրույցից մի հատված:
Ինչի՞ հետ է կապված ձեր այցելությունը Վան։
Մեր այցելության նպատակն է՝ տեղում ստուգել սեպտեմբերի 19-ին մատուցվելիք պատարագի նախապատրաստությունները, հարկ եղած դեպքում շտկումներ իրականացնել։ Հանդիպեցինք նահանգապետի, քաղաքապետի, առեւտրա-արդյունաբերական պալատի նախագահի եւ այլ պաշտոնյաների հետ եւ տեսանք, որ Վանի պաշտոնյաները եւ ժողովուրդը մեկ մարդու պես ոգեւորությամբ սպասում են հյուրերին։
Կարծեմ նախատեսված խաչը չեն հասցնելու մինչ պատարագ ը տեղադրել եկեղեցու վրա։ Դա խնդիրներ չի՞ առաջացնի։
Խաչի տեղադրման հարցում որեւէ խնդիր չկա։ Անկարայից, այդ հարցում, որեւէ անհանգստություն չունենք։ Նշվում է, որ տեխնիկական պատճառով խաչը չեն հասցնի տեղադրել մինչեւ սեպտեմբերի 19-ը, քանի որ խաչի տեղադրման համար լուրջ աշխատանքներ են անհրաժեշտ եւ դրա համար ժամանակը չի բավականացնում։ Խաչը չտեղադրելու հարցում որեւէ անհանգստություն չկա։ Եթե խաչի տեղադրման հետ կապված տեխնիկական կառուցվածքները ավարտվեն եւ խնդրի լուծման միջոցը գտնվի, խաչը մինչեւ սեպտեմբերի 19-ը կտեղադրվի։ Մեզ երբեք չեն ասել, թե խաչ չի տեղադրվելու։
Պատարագին քանի՞ հոգի կմասնակցի։
Իմ կարծիքով, 1500 հոգի կմասնակցի։ Բայց դա ենթադրություն է եւ կոնկրետ թիվ հնարավոր չէ ասել։ Հնարավոր է նշել 2 հազար, կամ ավելի շատ։
Կներկայացնե՞ք պատարագի ծրագիրը։
Պատարագը կսկսի ժամը 11։00-ին եւ կավարտի 14։00-ին։ Պատարագից հետո այլ միջոցառումներ կան նախատեսված։ Քանի որ բոլորը չեն կարող ներկա գտնվել եկեղեցու ներսում ընթացող պատարագին, դրսում 2 հարթ էկրան է տեղադրվելու, որպեսզի դրսում կարողանան հետեւել։ Սակայն պատարագից հետո բոլորը կարող են մտնել եկեղեցի։