Ֆրանսիական PSA Peugeot Citroen խումբը եւ ճապոնական Toyota ընկերությունը համատեղ միկրոավտոբուս են մշակել, որը պատրաստվել է երեք ապրանքանիշերի համար միասնական հարթակի հիման վրա: Citroen-ի պարագայում այն կոչվում է Spacetourer, Peugeot-ի պարագայում՝ Traveller, Toyota-ի պարագայում՝ Proace:

Միկրոավտոբուսի տեխնիկական բնութագրերը դեռեւս հայտնի չեն: Դրանց մասին, հավանաբար, կհայտարարվի մեքենայի հրապարակային պրեմիերայի ժամանակ: Բոլոր երեք մոդելներն արտադրվելու են PSA Peugeot Citroen-ի Վալանսիենի գործարանում:

Ըստ Motor-ի, համագործակցության մասին պայմանագիրը PSA Peugeot Citroen-ը եւ Toyota-ն ստորագրել են 2012 թվականին, այն գործելու է մինչեւ 2020 թվականը: Համատեղ առաջին մոդելներից մեկն առաջին սերնդի Toyota Proace-ն էր, որը սերիական արտադրության դրվեց 2013 թվականին: Այն մշակվել է Citroen Jumpy եւ Peugeot Expert հարթակների վրա: